Aðalréttir
Lasagna - Bjössi
Uppskrift sem fannst á mbl.is og búið er að breyta að smekk Bjössa.
Hráefni
Lasagna
1 kg nautahakk
1 laukur
2 hvítlauksrif
900 g pastasósa (gott að blanda þessum 2 saman sem eru á myndinni)
lasagnaplötur
oregano
salt og pipar eftir smekk
hvít ostasósa (sjá uppskrift fyrir neðan)
rifinn ostur (mozzarella og cheddar í bland)
Hvít sósa:
170 g rifinn ostur (mozzarella og cheddar í bland)
140 g rjómaostur
200 ml mjólk
1 tsk salt
Aðferð
Lasagna:
- Saxið laukinn og hvítlaukinn smátt
- Steikið hakkið á pönnu ásamt lauk og hvítlauk, kryddið með salti, pipar og oregano.
- Hellið næst pastasósu yfir hakkið og leyfið að malla við vægan hita meðan hvíta sósan er græjuð.
- Raðið saman í fat hakki, lasagnaplötu og hvítri sósu og endurtakið 3x nema setjið svo fjórðu umferðina af hakki efst og vel af rifnum osti yfir allt saman.
- Bakið við 180°C í um 39 mínútur og leyfið aðeins að standa áður en þið skerið niður.
Hvít sósa:
- Setjið allt saman í pott við vægan hita og hrærið þangað til osturinn hefur bráðnað.